صطيف السلام عليكم عمي... 😊
180 هلا صطيف... كيفك....
صطيف تمام، الحمد لله..... اجيت اشرب معك قهوة صفرا مع صحن تمر محشي مكسرات....كتير طيبين بعد الفطور.....خاصة برمضان.... 😊 وبدي منك كمان تشرح لي عن مفهوم الأبعاد.... شنو ما كتير عم أفهمو!!!!!!
180 تكرم..... ليك عمي..... شايف هديك السيارة الصافة هنيك.... مو هي تبعك؟!!! فرضا حبيت أنت تبيعها.... اديش بتسوى؟
صطيف أي... تبعي... يعني بحيطان العشرة... عشرة الاف دولار.... تقريبا....
180 ممتاز..... هلق فرضا اذا انا قررت اشتريها منك ....القصة مو بس ابيض واسود..... نعم او لا..... في مليون لون بينن.... مثلا.... سماع كيف:
البعد الأول: التواصل معك من أجل الدفع و الشراء المباشر..... وإذا كنت انا حربوء شوي... بصير البعد الثاني: الاتصال معك والتفاوض على كسر وتبخيس السعر ومن ثم الشراء.....
هلق منجي للأبعاد المتقدمة: بحكي انا معك على اساس رح جيب المصاري وأجي اشتري..... وبنفس شنتاية المصاري بتلاقي في ورقة اتفاق مع لص سيارات محترف يسرق السيارة تبعك مقابل 3 آلاف دولار فقط..... يعني انا وفرت 7....!!!!!! وكمان بتلاقي ورقة تفاهم مع الميكانيكي تبعك أو الشغيل عندو يعمل عطل متعمد بالسيارة يخفض كتير من السعر تبعها.... وكمان رح تلاقي عقد تفاهم مع ظابط بالمرور مشان يطلع فواتير ومخالفات وهمية قديمة على سيارتك كرمال نشلحك ياها بتراب المصاري.....😊
وفينا نكون أشد مكرا ونمضي قدما: ونخليك تلاقي ورقة اتفاق مع شي عصابة مخرخرات مشان يحطو كيس صغير بالسيارة... وتروح فرق عملة..... او يتم التقرب من أولادك وتوريطهم.... او يخطفك أحدهم مقابل فدية وتروح السيارة ببلاش..... او نورطك بمشكلة وبعملية طبية نبيعك السيارة مع البيت....😊
لاحظ كلو هاد وانا حباب معك وناوي اشتري!!!!!! وفينا نتقدم اكتر بالأبعاد: نفوتك بأمور عقدية ودينية ونكرهك بصناعة الك:'فار ومنتجاتن.... او نخليك تتبرع بالسيارة لأهل الخير... أو نقعنك تحط فيها العاب نارية لنصرة القضية..... او نقنعنك بشي سفرة و نشلحك السيارة مقابلها....... أو نكش بماضيك ونطلعك شبيح ونبعت صورك لجماعة الفيس...... 💃
لذلك بس تشوف جماعة الثعلب الرابع عم تمدحنا لاتنسى بقية الوراق يلي بالشنتة!!!!!!! 😊
وفينا نتفنن اكتر واكتر.....ونعمل فيك التالي:
صطيف بس...... بس...... حاجة......✋.... الله أكبر عليكن...... الله أكبر عليكن.....😢 خاطرك...... أنا ماشي..... السلام عليكم......
180 وين... ؟!!!..... طيب و القهوات.. !!!!! والتمرات!!!!!
صطيف بطلت اشرب شي......🙄 وبطلت بيع السيارة... بس طلاع من راسي.... 😔
180 شبو زعل!!!! لسا ما كملنا الشروة !!!!!! 🙄
والله أعلم