جلسة نقاش حاد جدا تجري بين زبائن الدكان.... ينهض غاضبا ويصرخ علوشة قائلا: ان الذي يحدث امر مرفوض وغير مقبول.....!!!!!!!
يتدخل العم 180 ليفض الخلاف بين اولاد الحارة الواحدة....
180 خير..... ليش أصواتكم طالعة!!!!!! وعلى شو الخلاف؟!!!!
علوشة وضع البلد.... وفرض الأمر الواقع بالقوة!!!!! وكل هل الأخطاء.... وعدم المشاركة!!!!! وسياسة اللون الواحد!!!!!
180 إذا هيك الحق معك..... وصار لازم ينحط حد لشي يلي عم يصير..... وهي ورقة وقلم..... ورح نكتب بنود عريضة لدستور جديد.. يرضي جميع الأطراف.....
علوشة يبتسم..... 😊
180 أول بند الحصول على السلطة..... رح نعتمد المبدأ تبعكم عمي علوشة.... بقوة السلاح والأجبار..... نفس مبدأ حفوضة.... ورح ناخد دعم خارجي كمان.... متلكن تماما..... بس رح نختلف شوي بالغاية..... هنيك انبطاح..... هون أستشراس...
البند الثاني كمان رح نستعيرو من عندكم.... إلى الأبد...... حكم إلى الأبد...... مو هيك كنتو تقولو عمي علوشة؟!!!
علوشة مستغرب!!!!🙄
البند الثالث حمودة أو نحرق الفلفولة......كوبي بيست من عندكم شريك....... 😊
البند الرابع ممنوع التحدث بالسياسة...... يعني مابدنا رأي ورأي اخر..... شلوني معك ؟!!!! لساتي على دستورك انا ماشي...
البند الخامس اللون الواحد..... وهي بالذات كانت اكتر شغلة حبها فيكون... البكن على بعض..... ونحنا رح نصير متلكن.....
علوشة بس نحنا مو كلنا كنا هيك!!!!!! مو كلنا كنا موافقين!!!!!! لا تشمل عمي 180!!!! نحنا جزء كبير منا كان خايف و ساكت ومو رضيان ب يلي عم يصير و.......
180 ياعيني عليك..... عمرك أطول من عمري... وهاد هو البند السادس.... يلي كان ساكت..... يتم ساكت......🤫😊
والله أعلم 180