التوقيت العام السابق - 2024 المكان ضواحي لندن
اجى مرعوب لعندي على الشغل.... ومعو بريد لونو أحمر.....
أنا... خير شبك عبود.... ؟!!!
عبود: اجاني بريد دعوة من البوليس... حددولي جلسة استماع!!! بقسم الشرطة..... بمركز المدينة!!!
أنا: خير شو صاير؟ عامل شي!؟
عبود: اي والله.... عامل ومكتر.... الأسبوع الماضي.... كنت عم اتمشى الصبح..... بطريقي إلى المدرسة المهنية.... وكنت حامل كاسة قهوة كبيرة اشتريتا على طريقي مشان صحصح.....😊 المهم انا وماشي شفت سور حديقة فيلا خاصة... وكان فيها كلب أبيض حلو وبجنن..... ومبين مدلل....و مبين غالي كتير وأبن عالم وناس...وقفت اتفرج عليه..... اجا وقرب علي... كان كتير حلو وأمور.......😍❤️ ملبسينو شغلات حلوة..... دناديش ملونة وجرابات... وحتى شعرو عاملينو ضفاير.....
أنا: ايه...أن شاءالله سرقتو؟؟!!
عبود: ياريت!!!!! لما قرب علي.... لحمست عليه شوي... ومالقيت حالي غير كبيت على وشو القهوة السخنة وحرقتلو كل وشو... صار يصرخ بالويل وركد بعيد عني..... فشكلة مو شايف ادامو.... وانا زعلت عليه شوي ....بس حسيت حالي ارتحت... وكملت طريقي للمدرسة طبيعي.....
أنا: يعني حسيت براحة نفسية..؟!... يخرب بيتك وبعدين.....
عبود: بعد كم ساعة أجت الشرطة على المدرسة.... وفاتو صف صف وبعدها اشرو علي.... كان معن صور مطبوعة من كاميرات المراقبة بالشارع!!!!!
أنا: طيب ليش سلختو بالقهوة؟... كانت مو طيبة يعني ؟ عضك شي ؟ نبح عليك ؟
عبود: بالعكس طيبة وغالية... ستاربكس...😎 والكلب كان كتير لطيف وحباب معي... هو مو هون بس ملائكتو حاضرين... بس والله مابعرف... حسيت لازم رش وشو..... في رغبة شديدة جواتي والله ماحسنت قاومها....😔
أنا: إذا هيك الحق معك....هي اسمها عادات وتقاليد....😊
180