(المزيد من الجوانب البسيطة من شخصيتي)
نعود لقصة الشاب الفلسوف....يلي حكيتلو قصة الطريق
المهم رجع لعندي بعد كم يوم ممتعض وبلش بدو يناقشني بنظرية الطريق.... أنا فورا قطعت عليه الطريق وخبرتو شو بدك بالقديم.... خلينا بالجديد... سألني، ليش في جديد؟!!! خبرتو طبعا... 😊 سماع هي:
أجيت أنت يوم القيامة..... يوم الحساب الصعب... وقبل مايبلش الحساب والجد.... ورحلة المشي على الصراط واهوال المشهد واقتراب الشمس ونصب الميزان والحساب الدقيق وحقوق العباد ورب العباد ويمكن جنة أو نار.... ويمكن تصيبك سابقة عذاب حتى لو نقشت معك وفتت الجنة.... ويمكن تكون من أهل الأعراف....... ويمكن ويمكن...... قبل كل هاد اجى لعندك ملاك بعرض خاص فقط الك... كان مع الملاك زرين... واحد أحمر وواحد أخضر الأحمر اذا كبسته، يعني رفضت العرض... وبتكمل كلشي طبيعي.... يعني متلك متل البقية..... حساب وعذاب وانت وحظك.... اما جنة ونار وحسب انت شو عامل وشو مخبص...
الزر الأخضر بعملك حذف... وتصفير.... يعني لاعذاب ولا شي ولا بتحس حتى بأي شي فقط اخفاء لشخصك من الوجود..... يعني كأنك ما أنخلقت ولا اجيت على هي الكون من الأساس....يعني مسامح بكلشي.... يعني راس براس يعني إعفاء من كلشي... ولا كأنك أنخلقت أو أنوجدت بيوم من الأيام ولا فتت هل الفوته من أساسو.... يعني بترتاح من كل الطوشة...يعني بلحظة بصير كلشي أسود وأنت خالص.... يعني شي متل shift +delete
المهم شو رح تختار.... ياغالي ؟!!!! 😊 🔴 هاد؟ ولا هاد؟ 🟢
180