(جانب بسيط من شخصيتي)
مرة أجى شب أصغر مني بشوي وبلش يعملي محاضرات وفلسفات دينيه... وأمور ما ورائيات.... وروحانيات... وهيك شغلات تقيلة... بعد ماخلص حبيت ورجيه وشاركو جانب صغير من أفكاري...
خبرتو التالي: تخيل حالك فقت من النوم ولقيت حالك بطريق جميل وسط سهل أخضر جميل.... وتمشي طول نهارك وماتلاقي مخلوق.... فقط نباتات.... وتتعب وتنام وتفيق بعدا تاني يوم تلاقي حالك بنفس المكان يلي بلشت منو وناحك طعام وشراب لذيذ.... تاكل وتشبع وتكمل مشي وبس تتعب و بمجرد تغفى عينك وترجع تفيق يتكرر نفس السيناريو.....هيك للأبد..... ومافي خوف ولا كبر ولا تقدم بالسن ولا خطر ولا برد ولا شوب.... بالعكس كلشي تمام وعال العال..... بس هيك تم تقرير مصيرك.... انك تم هيك للأبد ومارح يتم محاسبتك.... يعني لا جنة ولا نار.... شو رأيك؟!!!!