يدخل صطيف إلى دكان العم 180 ليجده غاضبا متوترا...... ويحاول الاستفهام منه عن السبب.....
180 خليها لربك صطوف...... كنا عم نحل مشكلة كبيرة بأخر الحارة......عند بيت صاحبك دردور..... العينتين مفوت ناس غربا على الحارة ومسكنن ببيتو الكبير..... وبدو يقسم البيت والحارة مشانن....
صطيف أوف!!!! مين هدول؟!!!!
180 ناس غربتلية.... أشكالن ما بتريح منوب.... أسمر على أسود على أشقر..... ومعن شراشف بيض وكلاسين زرق.....!!!! قال هدول ولاد عمو او متل ولاد عمو... وجايين يديرو بالن عليه ويعتنو فيه!!!!!! لك العمى بعيونو شو قليل أصل وناموس!!!!!! شلون بجيب الغريب وبحطو بينا!!!!! حتى لو كان حاطو بيتو!!!!؟؟؟ لك كيف بأمن يطلع من البيت ويترك الغريب مع أهلو!!!!!!
صطيف طيب بركي ولاد عمو عنجد!!!!!
180 مستحيل.... ما بشبهونا منوب.... حتى حكيون غير حكينا..... لك إذا في شبه معو..... هو قلة الشرف والأخلاق......لك قاعدين عندو بالبيت بكلاسينن الزرق بس...... وهو طاير عقلو فيون.......
صطيف وليش هيك عم يعمل؟!!! شو صرلو ؟!!! مو على اساس كان صارع راسنا بالكرامة والمبادئ!!!!!!
180 مابعرف..... صدقني مابعرف......😔 كل يلي صار انو مرة طلع بالكلسون الملون تبعو على الحارة..... أهل الحارة ماهان عليهم.... كبسوه كفين.... صار يصرخ ويبكي وركد على الحارة التانية وجاب هدول العالم يلي لابسين متلو و هلق قاعدين عندو..... مشان يدافعو عنو...... واليوم متتفاجئ انو بدو يسكنن عندو بالبيت على طول!!!!!!!! لك الواطي عم يفوت مين ماكان علينا!!!!!!!! وإذا بتف عليه بقلك كلشي الا كرامتي!!!!!!!!!
صطيف العمة على هي السمعة!!!!! وبعدين؟!!!!!
180 ولا شي..... ركبنا على باب بيتو قفل كبير..... وحبسناه جوا هو وجماعتو..... جماعة الكلسين الزرق...... وعم نسمع صوت صريخ وعياط.... 🙄 وماعم نفتح..... و في أهل الخير عم يناولون خبز من تحت الباب.......
صطيف 😳