يضع العم 180 بسطة عليها أعلام ورايات ملونة للبيع.... هو يرغب بتوسيع نشاطه التجاري..... 😊
صطيف صباحو عم........
180 هلا صطوف..... مية هلا....
صطيف شو هي البسطة الجديدة عمي ؟!!! وشو هدول الإعلام؟!!! كتار والله.... أشكال وألوان......
180 هي اعلام دول للبيع..... مشان نحرك الدكان....والأسعار كتير حلوة......
صطيف ايوه..... شو بدي نقي لكن ؟!!!
180 لك أهبل...... انت سنون!!!!!!!! ماعندك غير خيار واحد فقط الأخضر!!!!!!!! شو تنقي وما تنقي!!!!!!
صطيف لكن مين بدو يشتري كل هدول ؟!!!!!!
180 لا تخاف.....ولاد البلد طبعا......
صطيف ولاد البلد!!!!!!!!!!!!!!!!!!!!!!! 🙄
180 ايه... لا تستغرب...... كل علم والو زبونو.... هاد الأزرق مثلا... مرغوب كتير عند اخونا دردور..... بوصي عليه توصاية.....وعليه طلب كبير منن..... ومن شوي حكوني و وصوني على 40 قطعة....وكمان وصوني على متلن من تبع الألوان..... وعندك هاد الأمريكي كمان قسود بحبو وبعشقو عشق.... وبحب كتير يشتريه مع الأزرق والاصفر تبعو.... وعندك هاد تبع الزوايا الحمر والشمس... بحبو كتير اخوك علول..... واحيانا بياخد معو الأزرق..... والاصفر تبع قسود.....أو الأحمر القديم...... وشعشوع بحب يشتري الأسود ومعو تبع شعشوع الإيراني او اللبناني.....حسب الفقسة....... وهلق جبنا علم جديد لونو اصفر وعليه نسر براسين.... علم قديم كتير... حتى صحابو نفسن نسيوه... ويمكن ماعادو تذكروه.... بس اخوك نصور مانسي الخبز والملح......واليوم رجع رفعو وافتخر فيه..... 😊
فيا غالي كلو شغال.... وكلو عم يروح....فلفل وقرنفل...... وعلمك انت الأخضر ماحدى بشتريه غير انا وانت فقط..... مشان هيك حاطو بكياسو على جنب ومالي فاردو......
ملحق
المُخلص....
اولاد بلدي.... مستعدين لرفع أية راية عدا رايتنا...... حتى لو كانت راية انتهى زمنها وتعود للعصور السحيقة البيزنطية.....
إنهم ينتظرون المُخلص...... يعيشون معك....ويتظاهرون انهم مثلك.... لكنهم في الداخل ينتظرون ذاك المُخلص..... نحن اثناء سنين الثورة لم نكن ننتظر اي مُخلص... كنا ننتظر النصر والفرج فقط......بعكس اولاد الوطن..... الذين ينتظرون مُخلصهم.....
لكن.... من هو هذا الُمخلص؟ اي شخص قادر على سحقك.... لا يهم من اي بلاد او موطن او حتى دين..... طالما هو قادر عليك... إذاً سوف تُرفع رايته علنا..... جهارا.... نهارا.....
لا تقول لي نعم ولا لا...... فقط شاهد مايحدث من حولك.....
والله أعلم 180