صطيف صباحو عمي .... خير شوفي... ليش كل هل العجئة عندك!!!!!!
180 هلا صطوف.... الحمد الله وصلو و أخيرا علب الأستشراس وحاليا عم نوزعن مجانا على العالم....😊
صطيف حلو.... حلو كتير والله 😍......لكن زكاتك عطيني علبتي.....
180 مابمشي الحال!!!! مو توصاية الشغلة!!!! هاد بتاخدو فقط في حال حققت الشروط....
صطيف انو شروط ؟!!!!! طيب ورجيني ياهن لشوف!!!!!!!
180 دقيقة.... رح حط مقطع صوت على البفلات.... وسمعك المقطع.....
صطيف ولي شو هاد....
180 خفت ؟!!!!! شفت كيف انك خفت!!!!! هاد كان مقطع صوت سقوط برميل..... يلي بخاف من البراميل مالو أستشراس عنا.....
في اليوم التالي..... يأتي صطيف محاولا مرة أخرى الحصول على علبة الأستشراس....
صطيف مرحبا عمي...... سمعني كل مقاطعك ومارح خاف هل المرة....
180 دقيقة لشوف وين واقف انت.... ورجيني... ليش داعس على الخط الأبيض المعلم بالطبشور؟!!!!! ليش مادد قدمك!!!!!صاير من جماعة القدم الممدودة..... ماددها زيادة..... بعتذر منك...... مالك استشراس عنا.....
اليوم التالي صطيف ليك... انا واقف بعيد عن الخط..... ومالي خايف من البراميل ولا غيرن..... يلا... عطيني علبتي....
180 طيب كمل الجملة التالية: دم السوري على السوري!!!!!!؟
صطيف حرام!!!!!!
180 احط.... الكيوت مالو علبة عنا....
اليوم التالي صطيف انا مالي خايف ومالي مادد رجلي وصرت من جماعة الهبور..... تفضل من بعد اذنك عطيني العلبة.....
180 كان بودي ياغالي..... بس انت تأخرت كتير.... وخلصت الكمية.......وهلق صفيت انت لا معنا ولا معن......
والله أعلم 180