يدخل علوشة برفقة ابنه الصغير حيدرة إلى دكان العم 180....
علوشة صباحو عمي 180....😊
180 هلا... هلا.... الله يسعدو عمي علوشة.... كيف حبيبي حيدورة...... الله يسلملك ياه يارب..... طمني عمو.... عم تلعب بصطل مكعبات الليجو Lego يلي اشترالك ياه ابوك من عندي؟!! عجبك عمو؟!!!
علوشة ايه طبعا مايلعب.... اصلا انا وامو ما ندعيلك كتير وربي.... احسن ما يلعب بالحواري... متلاقيه ليل نهار حاطط راسو براس هي المكعبات..... دقيقة طالع هي الجوال تا ورجيك شو مايعمل فين....... شوف......😊
180 ورجيني لشوف.... كبر الصورة شوي.... هاد كانو مبنى صغير!!!! وحولية سور!!! شو هاد بيت يعني؟!!!🤔
علوشة لا مو بيت... هاد فرع صغير ركبو حيدورة من المكعبات.... وسماه الفرع 111.....😊
180 ماشاء الله تبارك الله..... اللهم صلي على النبي..... عنجد فرخ البط عوام..... وشو هي الصورة التانية!!!! هدول ليش الشخصيات واقفين هيك بعاد عن البقية!!!!
علوشة هاد حاجز صغير ساواه كمان...... دغري صورناه انا وامو....😊.... موقف عليه بس عنصرين..... وقال هو رئيس الحاجز...... 😊
180 ربي يسلمو يارب...... وهدول يلي بهي الصورة ليش مرمين على الأرض... وشو هاد يلي عليهم؟!!!!🤔
علوشة هدول عاساس معتقلين مخربين... ولزق عليهم حيدورة ورقات صغار عليهم أرقام...... 😊 كل واحد حط على راسو رقم..... شوف.... 😊 بربك مو فنان ؟!!!!! 😉
180
طبعا فنان!!!!!!! ربي يحميلك ياه.... مبين الولد علولي اصلي... ماشاء الله.....🙄
علوشة خود شوف هي الصورة كمان.... هي احلا وحدة فيون...
180 ورجيني لشوف.... ليش هدول الشخصيات مرمين على الأرض وفي منن مفككين بلا أدين ولا رجلين!!!! وشو هاد الأحمر يلي مطرش الدنية....... كأنو مناكير اظافر هاد؟!!!!! وهاد!!!!! .... شو هاد يلي معلق بخيط ونازل عليون ؟!!!!!
علوشة هاد كرر خيطان لف عليه قصدير اركيلة مشان بين متل البرميل..... 😊.... وهي لعبة طيارة الهولكوبتير القديمة..... على اساس هي يلي كانت طايرة ونفذت المهمة بنجاح.... 😊
180 ياسيدي الله يسلملك ياه.... الولد موهبة ومخو نضيف..... ماشاء الله تبارك الله...... 🙄
علوشة وهلق ما يوصيني على بودرة أطفال بيضا... قال على اساس بدو يرش اللعبات بمسحوق كيماوي....🤣😂
180 🙄🙄🙄
والله أعلم 180