180 خير شبك صطيفو.....ليش سرحان بهل الرفوف!!!!! برد الشاي تبعك!!!!!!
صطيف الصراحة.... من مبارح ومن وقت ما ساعدتك بتصفيف علب الأجيال..... وانا عم يكوكش براسي اعرف شوفي جواتن!!!!! مانمت الليل!!!!! 😔
180 ماصار شي.... حط كرسي وطلاع فتاح وشوف....
صطيف وانت حكيت..... يارب...... وهي علبة الستينات.... رح افتحها لأنها أول شي..... شوف شو لقيت: شرايط كاسيت... اسطوانات مكتوب عليهم أجمل اغاني الحجة!!!! وكوكبة من الفنانين العظماء.... مين هي الحجة؟ تذاكر سينما..... مكتوب بخط صغير عروض مغرية... مجلات مشكلة... الصياد والشبكة وعالم الأزياء والموضة !!!!! انينة مشروب فاضية!!!!! كتب عن الفن.... كتب عن القومية العربية والتحرر.. كتب عن الاحتلال العثماني... كتب عن النهضة الغربية.....والعلمانية منشورات حزبية...... دراسات عن تحرير المرآة......
العمى كل هدول كانو دارجين!!!! ماحبيتون...... رح سكرها وجرب افتح تبع السبعينات.... ورجيني.... ما كتير فرق... تقريبا نفس الشغلات.... رح جرب علبة الثمانينات... شوف شو لقيت فيها : وراق غار.... كفن ابيض.... رصاص بندقية AK 47 شرايط قرآن بصوت العجمي... سيديات للشيخ النابلسي... سيديات الإعجاز العلمي في القرآن الكريم.... كتاب صغير مكتوب عليه حصن المسلم.... وواحد تاني مكتوب عليه شيخ الإسلام.... عود مسواك.... مسبحة وسجادة صلاة...... بس من دون قرص!!!!! كتب عن حياة خطاب الشيشاني.... فلاشة مكتوب عليها كافة مقالات ال180!!!! والله شي حلو..... البي كتير رتاح لها العلبة!!!! وشكلها علبة التسعينات نفسها.... لانو نفس الوزن تقريبا.... وهدول تبع ال2000 فيني افتحن كمان شوفن ؟!!
180 لا..... مافيك هلق..... لانو صحابن لساتن عم يعبوهن.....
والله أعلم 180