مشهد صباحي..... العم 180 داخل الدكان مع جاره ابن الحارة المدعو صطيف..... بعد فترة يأتي مندوب شركة Amazon وبيده طرد بريدي بأسم العم 180.....
عامل التوصيل السلام عليكم..... مين السيد 180
180 تفضل... محسوبك
عامل التوصيل لو سمحت في الك طرد معي.... تفضل هي الطرد... و وقع هون زكاتك....
ينصرف بعدها عامل التوصيل... ويفتح على الفور ال180 طرده.... وعيون صطيف تراقب بفضول شديد......
صطيف عمي 180 شو هاد؟!!!!
180 هاد مختبر تجارب منزلي.... يعني شي خاص للطلاب و الولاد.... هيك بدك تقول..... شوف.... بجي معو CD وكتيب و مواد و انابيب زجاجية... ومواد كيميائية.... وكواشف أحماض....... يعني كلشي بلزم الطالب يعمل تجاربو ويتعلم.....😊
صطيف وانت يلي رح تجرب فيون و تستخدمن؟!!!!
180 اكيد لا..... هدول وصيت علين مشان الصغير الله يسلملك.... خليه يتعلم و يستفاد..... احسن من القعدة على بوبجي والروبلكس والفورتنايت....و المسخرة..... وإذا حبيت تجيب منن لولادك.... بنصحك وبشدة..... و وصي من أمازون..... تبعات الشي أن.... خفاف ومو ظراف....
صطيف طيب كيف بشتغلو هدول؟!!!!!
180 شوف هي حمض اللحود.... منحطو داخل أحد هي الأنابيب الزجاجية مع نترات القوة.......ومنهزون بقوة وبشكل دائري..... ومع خلطهم بقوة...... بطلع معك نترات المجذور (مجازر) تبع الستالين والرئيس الصيني ماو تسي تونغ وبول بت وكيم إيل سونغ ....... شوف!!!!! سوف كيف صار المزيج الناتج لونو أحمر متل الدم!!!!!
صطيف ارجيني لشوف...... لك ايه والله!!!!!!!! عميل.....عميل كمان تجربة تانية لشوف!!!!!
180 شوف هي حمض النصور..... رح اخلطو مع القرن الثالث عشر....وضيف عليه مادة قهقور السنون...... شوف!!!!! سوف شو طلع معنا!!!!!! طلع أكاسيد محاكم التفتيش!!!!! وغاز الحرب العالميه الأولى والثانية!!!!! وفيتنام.... و مسحوق حرب الخليح الأولى والثانية!!!!!! شوف!!!!!! اطلع كيف لون المادة الناتجة أحمر مسود!!!!! وريحتها شويط!!!!! خود شم........
صطيف لك ايه والله.... عنجد!!!!!! كمان...... كمان عميل تجربة!!!!
180 شوف..... ركز معي.... هي أنبوب زجاجي جديد..... رح حط فيه مادة حمض العلول.... واخلطها مع روح المنصب والسلطة..... وحركهن منيح.......وضيف عليها روح القرفوص...... شوف!!!!!!! نفس هدنك طلع!!!! مادة حمرا وريحة بشعة!!!!
تعى كمان نجرب شي جديد..... رح نحط مستخلص البوابات الطبيعي..... كلن مع بعض ومع زيت التشاركية ونترات الأخوة...... مع بعض ونسخنن شوي صغيرة..... شوف!!!!! لك شوف!!!! عم تطلع رغوة حمرا وريحة كمان بشعة!!!!!!!
وهلق رح نحط كمان حمض السنون مع حمض النصور ونخلطن مع بعض..... شوف!!!!! طلع معنا ثاني اوكسيد ال11 !!!!! يعني حمض السنون خرب لما فات عليه شوائب!!!!!
وهلق حمض الكيوت مع أكسيد التنوع وزيت التشاركية.... شوف!!!!! طلع معنى مادة متل العفن شكلا وريحة!!!!!!
وهي التجربة الأخيرة.... رح نخلط مكعب علمانية بعد فصلو عن اكاسيد الدين والمنهج..... شوف!!! فورا فسد وخرب لحالو!!!!!
صطيف آمنت بالله على هاد المختبر.... شو بعلم!!!!!
180 عم خبرك...... ولسا في تجربة ماعملتا لأني خفت الصراحة....
صطيف شو هي بالله؟؟؟!!!!!!!!!!!
180 بخبرك بعدين......
والله أعلم 180