صطيف مسا الخير عمي... بدي باكيت غلواظ مختوم
180 هلا.... شو مسهرك لهلق!!!! الساعة صارت 3 وش الصبح.....بعدين انت العصريات اخدت باكيتين!!!!ماحلك تحرقن!!! الك شغلة... انت مو جايه مشان الدخان.... انت بتمك في حكي!!!!
صطيف مزبوط كلامك.... بالفعل أنك العم 180.... الصراحة والله ماعم يجيني نوم... خايف عمك توته يخطفني او يخطف صحابنا متل ماخطف عمك مادورو.....
180 تعى فوت لجوا.... قعود وشراب( جدي كافية) تلاتة بواحد .... سخن هلق ساويتو.... سماع لخبرك شغلة وحطها حلقة بأذنك....
صطيف هات عمي هات..... عطيني الجرعة تبعي بوس ايدك.... معدلات الاستشراس عندي صارت بالأرض....
180 طالما عمك الروسي فلتان على كيفو.... وفايت طالع من عند عمك أردوغان.... ممر البوسفور.... أصبح بإذن الله لا تخاف.... طالما عمك الروسي قويان عصو بأوكرانيا..... كمان لاتخاف... طالما عمك الروسي عم يتمدد بافريقيا... واخد راحتو وعم يقلع الفرنسي والأمريكي والغربي منها... أصبح نام وانت مبسوط.... طالما الروسي الو قاعدة عنا.... أصبح حيادك بخير... طالما الروسي ضابب زبايل العلول عندو.... أصبح أمورنا بلوز... طالما الروسي عم يكسر شعشوع كرمالنا نوعا ما... أصبح نام وانت مبسوط... طالما الروسي عم يحر بأمريكا الجنوبية.... أصبح شراب فنجانك وانبسط.... طالما الروسي حاطط عينو على أوروبا.... أصبح احلا عالم... طالما الروسي من يمنا.... أصبح نام وحلام كمان...
وضيف على كلامي السابق عمك الصيني كمان.... نفس الكلام تقريبا طبقو عليه....
صطيف روح الله يبشرك بالخير يارب.... والله جبل وانزاح عن صدري.... بس شو مشان مادورو لكن؟!
180 لسا نتائج الضرر مابينت.... وبكل الأحوال صراع فيلة بعيد عنا..... يدابحو ليشبعو.... طالما مالنا رجل بهل المرجوحة... فعلى قولة حبيبك.... نحنا شو خصنا......
صطيف ايه.... ليش... لا.... ودخلك لأيمت بدي تم مطمن ؟ يعني إلى الأبد؟!!
180 لا حبيبي.... مافي شي يدوم ألا وجه الكريم ..... بس تخلص هي المرحلة.. وهي طويلة نوعا ما... ساعتها بدها تتبدل المعطيات مرة تانية... وبشكل جذري وحاد جدا..... وصديق اليوم يمكن يصير عدو الغد.... مشان هيك نحنا منتم عما نحلل ونراقب الكل.... تحسبا لاي طارئ.....عمي صطيف.... مابدنا نام نفيق انا وياك ونرجع نلاقي حالنا عم نتمرجح بشي بمرجوحة!!!! مزبوط؟!!!
صطيف ايه والله مزبوط!!!!!!
180 نحنا خرج نتمرجح ؟!!!!!
صطيف لا.... لا... لا.... حاجتنا....
180 أصبح ياويلك شوفك بالعيد راكب شي مرجوحة!!! 😊
صطيف 🥲
والله أعلم 180