صطيف وعساف صباحو عمي 180 .... عازم رفيقي عساف على الفطور وبدي نص كيلو لبنة وزيتون وعلبة مرتديلا ونص كيلو زيت....
180 تكرم... هي نص كيلو لبنة وباقي الغراض.... وهي انينة زيت بلدي...
صطيف بس عمي انت وزنتنا كلشي وما وزنت الزيت؟!!!
180 مزبوط كلامك... انا اليوم عم بيع وأوزن وفق معايير مزدوجة... متل بوابات الوطن تماما....
صطيف وعساف كيف يعني!؟!!
180 لما صارت أحداث السويدا... عندكم عمي عساف... وقتا قصولو شواربو للختيار بهدوء وبحنية...البوابات والطوابير نشرو عرضنا....و بعدها طلعت طفلة وعملت مقص صغير كيوت.... طلعونا نور وقرباط وهمج وبدائيين... وطلعت مذيعة منن وقالت نحنا عالم وهدول عالم....نحنا مستوى.... وهدول مستوى تاني..... وصار الكل يتحفنا بدروس المبادئ والأخلاق والعيش المشترك..... ولما هنن قصو شوارب ودقن شيخ محترم مقدر منن مع بهدلة ومسبات وضرب.... ماسمعنا صوت حدى منن!!!!
وانا قررت هاد الشهر كون متلن... بيع بضاعتي وفق ميزانين... يعني معايير مزدوجة....يعني شي مع وزن وشي بدون....
عساف طب عمي 180 بس تخلص القنينة، فيني رجعها لعندك و و اخد بدالها بدل ؟!!!😀
180 مافي داعي... بس تفضى عود عليها...😊
180