صطيف صباحو عمي 180 ❤️
180 هلا.... يسعد صباحك....
صطيف دخلك بلاقي عندك من هاد الصنف ؟
180 هاد صنف تاني مو ؟!!!
صطيف إيه... تماما.... وبدي منو أول كمان...إذا عندك....
180 بس انا ماعندي غير تالت....
صطيف شو الفرق بينن عمي؟!!!
180 عود لقلك.... شحاط هي التنكة وجيب كاسة مقلوبة من على المغسلة لصبلك شاي..... هلق لقمتو من شوي.... شوف عمي.... بالنسبة لسنون بسوريا في عندك صنفين... الأول متشدد وبدو يعمل ويساوي.... وهاد الصنف اذا استفرد بالبوابات رح تشوف فرق ال14 سنة خلال 14 يوم هي اذا مو خلال 14 ساعة..... رح تشوف افلام رعب من دون اقتطاع مونتاج..... رح يحط علول بالجيبة..... لانو أستشراس هيك نوعيات بجي تقيل كتير....
صطيف يالطيف.... والصنف التاني؟!!!!
180 بعكس الأولاني تماما.... رح يوزع ورود ويطير بواليين ويصطاد فراشات..... هدول هنن جماعة الكيوت... هدول بدهن الكل يطلع براءة وعفا الله عما مضى.... بدن تشاركية بكلشي... بدن الهوية البصرية تبع سيارات الأمن العام يصير لونها وردي.... بدهم الوحدة الوطنية... بدهم الرئيس يكون بوابة والوزير طبالة...... هدول اذا استلموا رح تجي الفيلة الثلاثة تتصارع فورا فوق روسنا.... ورح نروح كلنا فرق محاور ساعتها.....
صطيف أشعر بدني!!!! طيب والصنف الثالث ؟!!
180 هدول نحنا عمي... جماعة ال180.. يلي اخدنا الطريق الوسط.... لا درجة واطية ولا حيطة عالية.... نحنا لا بدنا افلام رعب.... ولا بدنا لون وردي.... بدنا يلي عامل شي يتحاسب.... ويلي مو عامل شي تنقطع الايد يلي بدها تنمد عليه..... وبدنا أولياء الأمور منا وفينا..... ومابدنا بوابات مفتوحة... كلامي في شي بزعل ؟
صطيف لا والله....
180 طيب في شي عيب؟
صطيف لا.... والله....
180 طيب في شي فيه كسران خاطر ؟
صطيف لا.... ابدا....
180 أصبح هاد نحنا عمي صطيف..... نحنا جماعة الصنف الثالث....المحور الثالث....
والله أعلم 180