شاي أحمد تي
صطيف صباحو عمي 180
180 هلا صباحو.... حول شراب شاي أحمد تي...
صطيف ايه... ليش لا.... بس قبل ما أنسى... بدي اسالك.. عندك كاكاو برازيلي؟!!
180 عمي انا بضاعة دكانتي كلها صيني روسي تركي.... وحاليا اتفقت مع موزع جديد ينزلي بضاعة أمريكي... وهي بيجي معها عرض بضاعة خليجي... لنشوف بقا.... أن شاء الله يصدقو معنا...... هيك بتم في عندي تشكيلة وتوازن بمنتجات الدكانة.... وبتم راضي الجميع..... ومالي رهن حدا....😊
صطيف ايه والله بتكون عملت زينة العقل...احسن مايصير معك متل زلنسكوج.. صاحب دكانة اورارينا بالحارة يلي أول الطلعة... رهن حالو لتاجر واحد قام ألتعن شرفو!!! عمي أسمك رايق.... ممكن سؤال؟!!!
180 تفضل....😊
صطيف مطولين...؟!!! دخلك على علمك جماعة قسود مطولين ؟!!!!
180 يحرء أخت هل السؤال شو مكرر.... ومشكلتك ياصطيف انو بصلتك على طول محروقة...... شوف عمي.... انت مفكر كل اليوم الصبح بفيق عمك هاكان وبرفع هل السماعة وبحكي حمودة وبقلو: بشرني أن شاءالله مشي الحال؟ وين صرتو مع مظلومة ؟!! وحمودة بقلو الله يحل عسيرها.... انت هيك مفكر؟
صطيف لكن... شو ؟!!!!🤔
180 رح خبرك شو.... بينما قسود عم يحفر انفاقو الحلوة.... الكبارية تاركينو يمرق وقت مع جماعتنا... على زيارات.... ومباحثات وتفاهمات...... ومؤتمرات.... وخلال هاد الوقت ال180 الأبيض.....عم يشتغل شغل بخوف.... عم يقطع عنو خطوط الإمداد وشرايين القوة... شريان.. شريان....خط....خط....كبل..... كبل.... 😊
صطيف الله يبشرك بالخير... ويفتح عليك يارب... كمل....😁
180 ياسيدي أول شريان قطعوه هو شريان قسود الفرع التركي.... وهيك تم تحييد عصب قوة مغذي وقريب جدا ومؤثر وفعال.... بعدها تم قطع الشريان الأوروبي... وهاد الشريان تخين ومرتب.... لانو كان عم يوصل امداد مالي وعسكري و استخباراتي.....وشي محرز.... بعدها عصو على الشريان الكردستاني..... وهاد الشريان كمان مو سهل.... بعدين فاتو وقطعو شريان المكون العربي.... وتم عقد تفاهمات سرية.... رح تظهر وقت الحزة واللزة..... وحط ببالك الشرقي عندو اساليب تحييد قوية وفعالة.... مثلا بقعد مع المكون العربي.... وبقلو قسود عم يعطيك الف كرمال تقاتل معو.... انا رح اعطيك الفين كرمال تقعد ما تقاتل.... بس تتفرج!!!!! 🙄 المهم يا مرحوم البي.... صفي أقوىو أخطر وأهم شريان.... وهو الشريان الأمريكي.... هاد واصل معو شريان خليجي كمان... وأتأخر قطعو بسبب التحديثات الجديدة تبع مشروع الخطوة بخطوة.... بس انقطع شكلو.... ان شاء الله..... 😊
صطيف بس عم نسمع نغمة فيها قويان عص منن؟!!!
180 طنبرة......وحياتك طنبرة وعادي جدا.... بركي بدهم يعملو جو رعب وتوتر مشان يكون في حافز حقيقي يسهل أخذهم كمرتزقة على المحارق الجديدة.... لاتنسى انو الأمريكي والروسي عينو فيون....
خود هي علبة كاكاو وطني ماركة هربوج.. شغل قامشلو... صفيان معها شوي صغيرة و بتخلص مدتها وبتصير للكب... خدها ببلاش ... مابدي منك شي....
صطيف الله يسلم اديك يارب.... بس ريحتها كأنو طالعة!!!!🫢
180 خبرتك صفيان الها شوي وعلى الكب...... 😊
والله أعلم 180