صطيف صباحو عمي 180
180 هلا....صباحو
صطيف ماتبلى هل الضحكة الهي يارب.....😍 أسمك رايق... يسلملي الرايق.... ممكن سؤال من بعد اذنك؟
180 تفضل اتسائل اد مابدك....🤔
صطيف انت كيف صرت 180؟ قصدي كيف صرت معلم وصاحب دكانة وتعرف كل اهل الحارة من نظرة... ؟ وتتوقع تصرفاتن؟ علمني أيدي بزنارك!!!!
180 شوف حبيبي... هلق الحارة فيها مشكل ملون... فيها ولاد الحلال وولاد الحرام.... والمشكلة يلي عم يطلع حسون طول الوقت هنن ولاد الحرام.... مشان هيك خود هي النصائح:
صطيف هات عمي هات....😢
180 بدك تعتبر الكل.... يعني الكل ولاد حرام... وتفكر بعقلية ولاد الحرام.... يعني شفت جارنا جلعود يلي ساكن براس الحارة... بدك تصير نسخة فكرية عنو..... تاني باشتان بدك تشوف علاقات و قرايبين كل واحد منن مشان تحدد حجمو... ومدى طول عصايتو...و تتصرف معو على هاد الأساس..... تالت باشتان هل شورو من راسو... لانو بتفرق كتير معك بتحديد سلوك وحجم الشخص.... رابع باشتان نقاط القوة تبع الشخص.... مصدرها وحجمها.... الخامس والأهم هل الشخص عليه ضغوط و إبتزازات؟!!! طبعا هاد الشي لحالو مو كافي.... لانو انا شوفت عينك صرلي زمان بهل الدكانة وصار عندي نظرة.... بس الكلام يلي خبرتك ياه فوق.... فيك تبلش فيه ورح تلحظ الفرق فورا.....
صطيف كتر خيرك يارب..... والله انك اصلي... 😘
180 استغفر الله.... روح واصلة....
180