صطيف مرحبا
180 اهلين... تفضل... صبلك شاي ؟
صطيف لا.... يسلمو... مالي نفس
180 خير شبك؟
صطيف لاتزعل مني عمي 180... بس ولله كل حكيك ماعم شوفو على الأرض.. لا عم شوف لا استشراس ولا قوة...
180 يافتاح ياكريم خير شو وجعك؟ بئ البحصة...
صطيف هي قسد من كم يوم قتلت ٢ من جماعتنا...
180 وهي جماعتنا من يوم كمان فاتو صادو ٢!!!!! يعني هي بهي!!!
صطيف طيب هي جماعة الهجري نازلين سلخ كمان!!
180 وكمان الطرف الثاني ماعم يقصر بس انت مالك متابع على الأرض....الميديا ماعم تنقل كلشي ....
صطيف طيب فوتتة نتينياهو ؟!! هات لشوف كيف رح تفتيها هي ؟!!!
180 دقيقة لطلع مقياس المعطيات من الدرج... ورجيني لشوف... ليك... مؤشر المعطيات ما تزحزح ولا ميلي واحد.... لا قبل الزيارة ولا بعدا....
صطيف طيب وحموس.... ليكو عم يحطها واطية!!!
180 ماحدى واطي غيرك... ليكو اليوم طلع تصريح انو بدو يلغي الاتفاق كلو.... وكمان تمسخر على لبنان.... دولة المئاومة......
صطيف طيب الكيان اخد ٦٥ بالمية من القطاع!!!!
180 حبيبي الله يرضى عليك.... مو هيك تقاس الأمور ... هي بشورة على قولة رهومة كان اخد كل البلد...
صطيف طيب تعى لشوف.... دريت بسرب الطيران يلي مرق فوقنا.. وحكا عنو شعرور ؟!!!!!
180 ان شاء الله بتطير انت و شعرور.... قاعد عم تقارن بلد مدمر من قبل الحرب حتى... من ايام حبيبك يلي كنت منزل صورتو على جوالك ومعلق صورتو على سيارتك مع بلد يملك أحدث ماوصل اليه الإنسان!!!! بعدين هاد اسمو الوقت بدل الضائع.... الغاية منو نسمع اراء الهبلان يلي متلك....
صطيف طيب ماشي... بدك شي.. انا رايح....
180 تعى عطيني نقرتك اسلخك طيارة على سيرة الطيارات....
180