صطيف شو القصة؟
180 ولا شي عمي صطيف.....بس شوية اخبار من أوكرانيا... هيك سلامة خيرك أستشراس روسي... هيك صغير و على الديئ.....
صطيف يعني انت بتحب الرووس؟
180 لا والله.... يعدمني ياك انت وياهن....
صطيف لكن؟
180 بحب يتمو أقوياء خلال هي المرحلة.... لانو قوتن... مفيدة الي كتير كتير..... بعدين يخلق الله مالا تعلمون....
صطيف يعني هنن هلق مو غرقانين بالمستنقع الأوكراني ؟
180 مخك بس يلي غرقان صديقي.... هنن حاليا بأقوى أقوى إيامن اذا بدك.... الصين عم تدفع الن فاتورة الحرب كاملة مكملة وفوقها حبة مسك كمان....
صطيف ليش الصين بتحبن؟
180 حبك برص شو انك اهبل.... الصين بتحب رواية الثور الأبيض.... روح دور عليها بالصفحة.... هي سر قوة المحور الشرقي.... وسر قوة حمودتك....
صطيف طيب لو انكسرت روسيا بأوكرانيا ؟ شو بجينا؟
180 تجيك مجية الهي.... ساعتها توتة ببدل موقفو فورا من حمودة وبصير يطالبو بحق العطورات.... وكلشي صار سابقا... بتعكسو..... وبرجع المبتور بغير رأيو بعد مايكون شاف منام بشع.... وأيميلات شعرور بترجع بتلاقي طريقها لجوال توته.... وكاميرات جوبر بتلف صوب سويدا والساحل..... وبطلع عمك توماس باراك وبقول لقد خذلنا جميعا من قبل حمودة.....
صطيف بالله شو؟!!!!!
180 متل ماعم خبرك بالزبط... ويعدمني بكيني اذا زليت عليك بحرف.....
صطيف طيب واذا انتصرت روسيا بأوكرانيا ؟
180 نزداد أستشراس فوق استشراس..... وبتم الكل حاببنا😊😍 وهاد يلي شرحتو من زمان بالصفحة.... انو روسيا عم تستشرس وتفرض شروطها.... والشعب الأوكراني راح ضحية فرق محاور.... وانو أكبر غلط تنتصر أمريكا في أوكرانيا.... المفروض تم محايدة....
صطيف يعني حياد... يعني متلنا؟
180 يخرب بيتك شو اجدب.... لا مو متلنا الفرق كبير... نحنا عم ناخذ مكاسب كرمال نحايد... هدنك شبعو قتل كرمال يحايدو....
صطيف ايوه!!!! شكرا عمي 180...على الشرح و البهدلة 😊
180 اهلين....
والله أعلم 180