مستجدات البيت...... اخي قسود لم تعد علاقته مع رفاقه الزعران الأجانب.. طيبة.... اكتشف اخيرا انهم كانو يتوددون إليه ليس محبة به... بل من أجل مصلحتهم فقط.... واليوم باعوه بابخس الاثمان.... وسوف ياخذون طيورهم من عنده ويرحلون.... ولن يتركو له شيئ سوى صورة جده العم شنبو... القابع في قبو الجار المجاور .... وسوف يضطر للنزول من اسطوحه والعيش معنا.... في المنزل....كخادم..... اخي نصور وسمعول وشعشوع قاعدين اوادم والحمد لله... 😊 عدا علول لساه مقضي وقتو على شباك الحارة ناطر رجعة خوالو وعمامو.... 😔
اخي دردور... طلع ابن حرام مصفى!!!! ماسمع ولا نصيحة وتم مصر يحفر الحيط ليفتح باب على جارنا جلعود....يفوتو علينا.... هل القليل الناموس .... بس أول ما خلص وانفتحت الطاقة عنجد... بزق عليه جلعود وقلعو!!!!!! وطلعت القصة كلها فخ الو مشان يكرهه اهل البيت والحارة فيه.... وبالفعل هاد يلي صار!!!!! ماصفي مخلوق بالبيت وبالحارة طايقو لأخي دردور.....الكل محتقرو..... وحتى بالمدرسة ضربوه رفقاتو وقلعوه!!!! ومن شدة وقاحتو لساه بمد ايدو كل أسبوع من تحت الباب بدو خرجية!!!!!! مع انو غرفتو لساتها معبايا صور لجارنا الشرير جلعود!!!!! ومو بس هيك.... درينا من جارنا موظف البلدية انو دردور النس بعد ما اكل خازوق مبشم.... عم ينزل على الطابو مشان يفرغ الغرفة باسمو و يساويها بيت مستقل الو لحالو.... بس مافشر هل الواطي..... مهندسين ورئيس البلدية عم يسايروه ويضحكو عليه.... ومارح يمدولو لا مي ولا كهربا!!!!
بالنسبة الي انا سنون بابا وعمي عثمون سجلوني بنادي حديد وعم اتدرب واقوى يوم بعد يوم... وقريبا رح سيطر على البيت بشكل كامل جدا.... وبعدها رح اطرد جارنا جلعود من بيتو... واخدو الي... بمعية اخي الصغير حموس.... وكم بيت حوليه كمان... واخواتي رح يصيرو متلي ويحملو أسمي وبالصرماية... عدا نصور وهدهود... 😊
كان معكم سنون.....
والله أعلم 180