اكيد كلكم شفتوا مقاطع الفيديو من الجولان السوري المحتل وتظهر كيف جنود الازرق عم يعتدوا ع اراضي يملكها دروز. جايين وبدهم يحولوا الاراضي هي لاماكن طوربينات هوا او مراوح لتوليد الكهرباء كرمال توفر كهربا لمزارع المستوطنين يلي جايين مع القوات الامنية تبع الازرق وضربوا الشباب الدروز وهني مدنيين اصلا !! وطبعا تم هالشي بحماية ومباركة من الامن الصهيوني.
⭕ طبعا ما اكتفوا هيك بل اعتقل الامن الصهيوني 20 شاب درزي بعد ما دعسوا عليهم بالارض وضربوهم واعتقلوهم بسبب انهم حاولوا ايقاف (المدنيين الصهاينة) الاستيلاء ع اراضيهم يلي بيملكوها من مئات السنين ومعهم سندات ووثائق (اسرائيلية) بأنهم يملكوها.. لكن طبعا الصهاينة قالولهم اي اي منعرف انتوا كنتوا اصحابها وهلأ نحنا اخدناها وبلطوا البحر!!.. واعتقلوا يلي حاول يوقفهم ومو معروف مصيرهم لليوم!!
⭕ يلي حابب قوله للدرزي يلي بالسويدا.. كيفك ع الفضل ؟ هدول يلي رح يحموك؟؟ هدول يلي رح يعملولك اقليم؟
⭕ لك هو شايفك عـ.. بد عنده بينما السوري عم يقلك انت صاحب وطن!!
⭕ الصهيوني عم يقلك انت لاجئ هون، والسوري عم يقلك حي بني معروف العروبيين اهل البلد..
⭕ الصهيوني عم يقلك انا شعب الله المختار وانت اجير عندي واملاكك هي الي وملكي.. بينما السوري عم يقلك انا وانت واحد ومنتساوى بالحقوق والواجبات والمواطنة..
⭕ لسا بدك ترفع علمهم وصورهم وتدعس ع علم سوريا؟ لسا مقتنع بكذبة انو هدول بدهم يحموك؟ بدهم يعملولك اقليم؟؟
⭕ انت بدك تضل مخدوع ليجي وقت ما ينفع الندم؟ لا توقع بالفخ.. لاااا توقع بالفخ.. لا تلحق شبيحة الحرس الوطني والصهاينة يلي معهم..
تعليق 180 هلق اذا أنا صفقتك كف..... عم يجي جلعود يدافع عنك... طيب اذا جلعود صفقك كف..... مين بدو يدافع عنك؟!!!!
والله أعلم أُسَامَة آل شَاهِين