سألنا نفسنا .. هل الدول الفاعلة بالملف السوري بدها تنهي الصراع وتغلق الملف ونرجع دولة طبيعية متلنا متل خلق الله ؟؟ والجواب كان لا والسؤال التاني .. شو السر الموجود بسوريا لحتى قضيتها تشظت بكل الاتجاهات .. وصار أصغر تفصيل بسوريا بدو اجماع دولي ومجلس أمن ؟؟الموقع … خطوط الغاز …. الثروات .. ما بعتقد ..
الجواب على هاد السؤال .. وهي وجهة نظري اللي ما بجزم بصحتها وما بتبطل كلام حدا غيري .. الجواب من قسمين .. الأول هو نظرية ملأ الفراغ اللي أسسها هنري كيسنجر ( الصورة ) والحالة السورية اليوم هي أفضل تطبيق عملي لنظرية ملأ الفراغ ..
سورية بعد الاستقلال عن فرنسا مرت بسنوات الانقلابات .. رغم الحالة الوطنية والقومية العالية ولكن كانت سنين عدم استقرار .. ودائماً حالة عدم الاستقرار تؤدي الى تدخل الآخرين .. وظهر بوقتها حلف بغداد وكان راح يضم سوريا .. ومن بعدها عملنا الوحدة مع مصر .. واللي كانت نموذج سيء بكل تفاصيلها عن الوحدة العربية .. لحد ما إجى حافظ الاسد .. وشئنا أم أبينا .. حافظ الاسد شكل عنصر استقرار بالبلد .. بعد ما البلد شوي كانت بحضن المصريين وشوي بحضن العراقيين .. وكل واحد عنده مشروع بدو يجرك لإلو .. ودخلت سورية بمرحلة استقرار اقليمية وصار الها دور حتى على مستوى المنطقة .. وصار توافق الرأي العربي بيد سوريا ومصر والسعودية .. ونحنا وعينا على هديك الفترة .. استلم بشار وابتدينا نفقد خيوط اللعبة .. طلعنا من لبنان .. فقدنا السيطرة على حزب الله والفصائل الفلسطينية لصالح ايران ..علاقتنا مع السعودية صارت بأسوء حالاتها بعد خطاب أشباه الرجال .. ووصلنا بعدين لل 2011 والثورة .. الثورة السورية تسببت بفوضى على مستوى المنطقة والعالم .. تركيا خافت بسبب المد الإيراني و وضع الأكراد .. السعودية خافت من المد الايراني و زعامة المنطقة والعالم الإسلامي .. روسيا خافت من فقدان موقعها بشرق المتوسط .. ايران خافت من سقوط الاسد وقطع الجسور بإتجاه مراكز الهيمنة بلبنان وفلسطين .. واسرائيل خافت من وضع عم يتبدل بعد ثباته ل 40 سنة .. ومنشان هيك الكل اشترك بالملف السوري ليحفظ مصالحه ..
الوحيدة أميركا ما خافت من شي .. لأنه بالنهاية بسبب فائض القوة اللي عندها الأمور كلها وين ما راحت راح تمشي لصالحها وصارت تتدخل ع الناعم .. هادا بتسمحوا وهداك بتمنعوا .. سقط النظام .. وضمن موعد محدد واللي هو موعد بحسب التوقيت الاميركي وبالطريقة اللي شفناها .. والعملية اليوم عملية ملأ فراغ .. ملأ فراغ السلطة وملأ فراغ الهيمنة. … الاسرائيلي ما راح يسمح بوصول تركيا ل حدوده ويكرر خطأ ايران وخاصةً انه تركيا مو متل ايران .. تركيا عندها قبول بالشارع السوري اكتر بكتير من ايران مذهبياً ..
وتركيا ما راح تسمح لإسرائيل بالسيطرة على سوريا والاتراك والإسرائيليين صدر عنهن نفس المقولة واللي هي .. انه سوريا ليس لها وجود بالأصل وإنما هي كيان مصطنع تمت صناعته عام 1920 .. وفيكن تتأكدوا من هي التصريحات بالأرشيف .. السعودية والإمارات ناسبهن خروج إيران ولكن ما بناسبهن أبداً ملأ الفراغ من قبل الأتراك .. وب مكان ما السعودية بتعتبر الخطر التركي أشد عليها من الإيراني .. لأنه الفكر التركي الإخواني أسوء عند السعوديين من الشيعي واليهودي مع بعض ..
روسيا بدها تضل ماسكة بالورقة السورية على الأقل كورقة مفاوضات بخصوص أوكرانيا .. وعم تقدم نفسها كضامن لحقوق بعض المكونات السورية وخبيرة بالملف السوري بحكم عملها في لسنوات ..
أميركا …. عم تتفرج على لعبة شد الحبل بين الكل .. والحقيقة انه اميركا ما الها مصلحة شخصية .. قدرانة تعمل قاعدتين او تلاتة اذا بدها وتقلهن هي قواعدي وانتوا روحوا تصرفوا مع بعض .. بس الحقيقة انه الكل بدو اميركا تبقى ب سوريا على أساس انه ملأ الفراغ يجي من طرف محايد وصديق لجميع الاطراف .. وهادا اللي عم يحصل اليوم من خلال وجود الامريكيين بأدق التفاصيل .. وضمان حقوق الجميع …لمنع الاشتباك العسكري بين الأطراف .. ومنشان هيك سوريا صار عندها صفة العلاقة المباشرة مع البيت الأبيض لأنه هاد طلب سعودي اسرائيلي بوجه محاولة سيطرة تركيا على القيادة والحكومة بسوريا ..
طيب .. هادا على مستوى الدول .. بس على مستوى الناس .. الشعب السوري .. ليش بعدها الامور سيئة ليش عم تتكرس الحالة الطائفية والتفسخ الاجتماعي .. هادا شو القصد منه ؟؟؟
تبقوا بخير …
بوست لاقيته على صفحة احد السياسيين، شو رأيكم بالكلام هاد؟!
----------------------------------------------------
فرد عليه متابع آخر معنا منذ فترة..... ولاحظو كيف تمكن من تحليل وتفنيد وتفكيك المقال فقرة فقرة..... لقد أصبح لديه القدرة على رؤية الأمور بزاوية أعرض وأدق......
كتب متابع:
تعليقي على هذا المنشور بسم الله نبدا
اول غلط هو ان الوضع في سوريا عكس كلامه بل الصحيح انه كل الحروب في منطقتنا هي بسبب الموقع الاستراتيجي البري والربط بين اوروبا واسيا وافريقيا والاطلال على البحر المتوسط ومن يطل عليه يحكم السيطرة عليه عدا هن مناجم المعادن النادرة والسيليكون السوري الداخل في صناعة الشرائح الذكية المستخدمة في الاسلحة المتطورة ومن يحكم المنطقة يحكم العالم وسبب اخر للحروب هي الحفاظ على عملاء سايكس بيكو وحراسة الكيان الإسرائيلي واضعاف المسلمين في قلب مناطق المسلمين في الشرق الاوسط
تاني غلط هو عدم معرفة الكاتب انه لا يوجد شيء اسمه قانون دولي ولا مجلس امن وهم عبارة عن ادوات بيد القوى العظمى يستخدمونها تارة ويضربون بها عرض الحائط تارة اخرى
تالت غلط هو اطلاق لقب استقرار المنطقة على حكم حافظ الجحش ، لانه بوقتها ابتدأ التهجير القسري لاخل السنة وجلب العلوية لمناطق الشام وقتل المسلمين بحماة ومحاربة الدعوة السلفية وتثبيت حكمه عن طريق ابراز شيوخ السلاطين من امثال كفتارو ومن لف لفيفه
رابع غلط هو القول بان الرأي العربي بيد سوريا ومصر والسعودية والصحيح انه في يد الغرب وتحديدا الامريكي
خامس غلط مو القول انو سوريا خسرت لبنان حزب الله والفصائل الفلسطينية لصالح ايران والصحيح أنهم من الاساس مع سوريا هم لصالح ايران يعني ماتغير شي
سادس غلط هو القول ان امريكا هي من حددت موعد سقوط نظام الاسد بل الصحيح ان عملية ردع العدوان كانت مفاجأة للغرب وخطفت ورقة الثورة السورية من يدهم والدليل جنون الكيان الإسرائيلي بعد التحرير بايام قليلة اكثر من 1000 غارة على مواقع حساسة علمية عسكرية ومخازن اسلحة ومطارات ومرابض الطائرات وغيرهم
سابع غلط هو القول ان الكيان الإسرائيلي صاحب قرار منفصل عن القرار الامريكي والصحيح ان الكيان تابع بشكل كامل لقرارات الدولة العميقة الامريكية
ثامن غلط هو القول انو المرحلة هذه هي عملية ملىء فراغ والصحيح ان عملية ردع العدوان مخطط لها منذ ٤ سنوات واكثر والخطة السياسية وشكل الحكم مرسوم من وقتها
تاسع غلط هو تحليل سياسات الدول بمعطيات الماضي ، عندما قال انو الإسرائيلي والتركي قالوا نفس المقولة انو سوريا عبارة عن كيان مصطنع (((((وهنا دس السم بالعسل))))) والصحيح انه معطيات اليوم مقلوبة ١٨٠د عن معطيات الماضي وتركيا قبل ٢٠١٦ غير تركيا بعد ٢٠١٦
عاشر غلط هو القول ان تركيا عبارة عن فكر اخواني
(وانا اعلم لماذا هكذا قال لأن تركيا تدعم حركة حم:'اس وحركة الجهاد الفلسطيني وهم عندهم ان من يدعم هذه الحركات اصبح اخواني😂)
الغلط الحادي عشر هو القول انو روسيا تستخدم ورقة سوريا كمفاوضات من اجل اوكرانيا والصحيح ان روسيا استشرست بعد تحرير سوريا على يد الفاتحين وضمان مصالحها وتأمين مروروها عبر الشرق الاوسط ( عبر سياسة التوازن التركية بيضة القبان ) وباستطاعتها اكتساح اوكرانيا لكنها لا تفعل من أجل اسباب وسياسات شرحت سابقا في الصفحة
الغلط الثاني عشر هو القول ان روسيا هي ضامنة لبعض المكونات في سوريا والصحيح ان تركيا هي من تقدم نفسها في غرف المفاوضات السرية انها الضامنة لسوريا والمنطقة العربية
الغلط الثالث عشر هو تحليل موقف امريكا بمعطيات الماضية عندما كانت قوية وانها تستطيع بناء قواعد اينما ارادت والصحيح ان امريكا في اشد حالات ضعفها ولا تستطيع بناء قواعدها الا بعد باتفاق مع الاتراك والسوريين
الغلط الرابع عشر هو القول انو امريكا طرف محايد وترضي جميع الاطراف والصحيح ان الطرف الوحيد المحايد والذي يرضى به الجميع هو التركي والسوري فقط اما امريكا هي دولة تعادي المحور الشرقي ومن جديد اصبح حلفها مع اوروبا متصدع
الغلط الخامس عشر هو القول ان علاقات سوريا والبيت الابيض جاءت بعد طلب سعودي إسرائيلي والسؤال هنا كيف لعميل وتابع ان يطلب او يفرض على معلمه ومرؤسه مايريد؟ الصحيح ان من اسس العلاقات بين سوريا وامريكا هم الاتراك عن طريق ادخال الاتراك للسوريين كطرف بالمفاوضات...على مبدا بدكم تراضوني ارضوا الطرف السوري كمان....
والله اعلم. 180 small. احمد العطار
من أرشيف 180 plus