🔴هل النظام السوري كان نظام علوي فعلاً ؟ وهل الجيش السوري كان جيش علوي أو لا ؟

بدكم تطولوا بالكم عليي شوي لانو جمعتلكن تقريباً كل الدراسات بهاد البوست يلي رح تكون فيه الإجابة :

🔻وفق الدراسات و بإحصائيات مراكز الأبحاث وبأسماء الضباط

🔻و بالأدلة القاطعة من عديد المصادر العربية والاجنبية

🔻و بعيدة عن التحريض و الشتائم يلي غرقانة فيها مواقع التواصل

🔻و بعيدة عن الخطاب الشعبوي للجُهل والسُذج تبع : الجيش كان سني ، غالبية الضباط والعساكر سُنة ، اسماء الاسد و الوزراء كانوا سُنة..الخ

ملاحظة : الغاية من البوست هو الوقوف على الحقائق و توصيف الخلفية الطائفية للمجرمين يلي تسببوا :

🔻بأكبر مقتلة للسوريين بتاريخهم

🔻 وبأكبر مذبحة بحق المعتقلين بتاريخ سجون البشرية

🔻 و بواحدة من أكبر أزمات النزوح الداخلي بالتاريخ الحديث

🔻و بواحدة من أكبر موجات اللجوء الخارجي بتاريخ الشعوب منذ الحرب العالمية التانية.

🔴 نظام الأسد كان قائم و مستمد قوته من جهازيين: (الجيش والمخابرات) أيا نظام بوليسي قمعي دكتاتوري بيعتمد على هالجهازين

طيب خلونا نشوف مع بعض كيف كانت البنية الهيكلية ونسبة العلويين بهالجهازين ، وعلى أساس النسب رح تُوضح إجابة السؤال تلقائياً ☺️

🔴اولاً : المؤسسة الأمنية ، الأفرع الأمنية (المخابرات)

📌الشبكة السورية لحقوق الانسان (اكتر مصدر موثوق وعلى مسافة وحدة من الجميع ) اكدت بأحد تقاريرها انو ((98 %)) من رؤوساء الأفرع الأمنية من الطائفة العلوية حصراً.

📌يعني رؤوساء الافرع الامنية والعاملين بكل رتبهم بهي الافرع يلي تقريباً كمان كلهم علويين أيضاً ((كلهم مجرمي حرب)) لانو اما مرتكبين لهي الجرائم او مساهمين فيها بشكل مباشر او غير مباشر ، و إلهم تراتبية خاصة بالمسؤولية الجنائية وفق قواعد القانون الدولي الانساني ، الشبكة أكدت بتقرير قانوني منفصل انو هدول (العلويين) كانوا عم يستهدفوا (السُنة) طائفياً بشكل خاص وممنهج سواء بالاعتقال أو بالقتل داخل أفرع الامن والمعتقلات. وكمان أكد المحامي أنور البني حقيقة هالاستهداف الطائفي الممنهج.

(لهيك إظهار اللهجة العلوية ضمن المسلسلات يلي بتحكي عن صيدنايا والتعذيب بالمعتقلات هو سرد لحقيقة يلي صار ، وهالشي مانو طائفي ابداً، وحده (الطائفي) او (يلي بحب يميع الحقائق ليظهر نفسه بمظهر الوسطي المعتدل ) او (سيئ النية) هدول فقط رح يعتبروها طائفية لانو ما بيهمهم إظهار الحقيقة و لا بيعنيهم كلشي صار ضمن هالمعتقلات)

📌مافي حدا بيشتغل بفرع أمن إلا و مساهم بجرائم الحرب يلي كانت تُرتكب بالمعتقلين ، اي شو يعني ؟

يعني مافي ولا واحد منهم بريئ على الإطلاق. وفق قواعد القانون الدولي الانساني حتى عمال النضافة والموردين والموظفين الاداريين واللوجستيين بالامن و حتى بالجيش ، جميعهم بيتم محاسبتهم لانهم جزء لا يتجزأ من المنظومة الاجرامية يلي ساعدت وسهلت لوجستياً ارتكاب جرائم ضد الانسانية وجرائم الحرب.

(لهيك البعض لازم يشكر الله انو يلي مستلم الحكم هنن "الاسلاميين السلفيين الجهاديين" و لانهم عم يحكموا بمقتضى سماحة الإسلام مو بمقتضى قواعد القانون الدولي الانساني لانو ساعتا كان الدم ، رح يفوت على كل بيت حرفياً ،طبعاً هي النقطة بيتعاموا عنها البعض بشكل مقصود ، فقط بسبب سعارهم الطائفي او الايدلوجي)

🔴ثانياً : المؤسسة العسكرية ، الجيش العربي السوري :

⭕دراسة بحثية لمركز عمران للدراسات الاستراتيجية عن "علونة الجيش" أكدت انو أهم 40 منصب مفصلي بالجيش ( يعني الصف الاول والثاني والثالث ) كلهم لضباط علويين حتى تاريخ 10/3/2020.

من القائد العام ووزير الدفاع مروراً بقادة الفيالق العسكرية وقادة الفرق وأجهزة الاستخبارات التابعة لوزارة الدفاع، ونفس الخلاصة وصل لالها موقع زمان الوصل ببحث تاني مستقل.

📌هي المناصب العسكرية وزعها الأسد على اقاربه وأبناء طائفته من القرداحة ، جبلة ، ارياف اللاذقية وطرطوس وحمص وحماة وحسب الدراسة فالضباط العلويين بيسيطروا على (المناصب القيادية بالجيش) وفق الترتيب التالي :

🔻ضباط اللاذقية 58% 🔻ضباط طرطوس على 17% 🔻وضباط حمص على 15% 🔻ضباط ريف حماه على 10%.

📌وبينت الدراسة أنو في (محاصصة علوية غير معلنة) بين ضباط مناطق القرداحة وجبلة وطرطوس ودريكيش ، و انو الثقل المركزي بالجيش كان للضباط المنحدرين من اللاذقية بشكل أساسي، ومن جبلة والقرداحة بشكل خاص (27% للقرداحة، و22% لجبلة)

📌رصدت الدراسة "نهج الصفاء العلوي" (Alawite Purity) بهيكلية الجيش، خاصة بعد عام 2020، لضمان الولاء التام للنظام ومنع تحول الجيش لأداة سياسية ضد الأسد. (يعني هيكلية الجيش علوية صافية)

طيب يلي مو سمعان ، رح نعيدها ونشرحها : (هيكلية الجيش كانت (علوية صافية تماماً) يعني مافيها اي شراكة مع السنة ولا مع اي مكون اخر ، ومافيها من جميع الطوائف ولا حتى ضابط واحد مؤثر أو صاحب قرار الا الضباط العلويين حصراً )

⭕بينما بدراسة تانية لمركز نما للأبحاث المعاصرة ، أكدت انو نسبة 87% من الضباط الأمراء بالجيش يلي متحكمين بمفاصل الجيش هم من العلويين حصراً

وأشارت الدراسة إلى انو من بداية التمانينات كانت نسبة العلويين بكل دفعة جديدة بتتخرج من الاكاديمية العسكرية بين 80-85%

⭕موقع إرم نيوز أشار الى انو نسبة العلويين المتخرجين من الأكاديميات العسكرية العليا بتوصل لحوالي 85% من المجموع الكلي للخريجيين. وهالشي بيأكد صحة دراسة مركز نما

⭕دراسة لزمان الوصل عن علونة الجيش أكدت فيه انه نسبة الضباط العلويين ببعض الوحدات بتوصل بين 70–95%. مع تأكيد انو القيادات الحساسة بالجيش والأجهزة الأمنية ذات أغلبية علوية حصراً. وهالشي بيأكد صحة دراسة مركز عمران كمان.

⭕صحيفة لوموند الفرنسية : الطائفة العلوية تمثل اهم قوة عسكرية ويلي بيتشكل منها الجيش السوري

⭕استطلاع رأي اجرته مجلة نيو يورك بوك الامريكية و يلي استمر داخل سوريا خلال عهد الاسد لعدة اشهر :

📌أكدت انو 88% من ضباط الجيش هم من الطائفة العلوية حصراً ، مع سيطرتهم التامة على المخابرات ، الوحدات العسكرية الخاصة ، المليشيات الطائفية ، استخبارات وزارة الدفاع.

📌العلويين انفسهم اكدو بذات إستطلاع الرأي و بشكل واضح وبكل صراحة انو الجيش السوري هو (جيش علوي) وبيفضلو التقسيم مستقبلاً على ان يحكموهم السنة (وانو ماعندهم اي مشكلة يحكمهم اي علوي غير بشار ، المهم مو سني ! )

⭕الضابط الدرزي سليم حاطوم كان من الضباط المشاركين في انقلاب 8 آذار 1963 بيقول : بلغت نسبة العلويين في الجيش ، خمسة مقابل واحد من جميع الطوائف الأخرى .

⭕الدكتور في التاريخ السياسي بشير زين العابدين بيقول :

📌شهدت الفترة اللاحقة بين 1973 - 1983 تأسيس فرق عسكرية بينتمي جميع أفرادها إلى الطائفة العلوية . وبهالشي تجاوزت حركة العلونة قيادة الفرق لتشمل الضباط والجنود كمان ، فنسبة (الضباط والجنود العلويين ) :

باللواء (47) المدرع، بلغت 70% باللواء (21) الميكانيكي، بلغت 80% بالقوات الخاصة، بلغت 95% أما بسرايا الدفاع بتزيد عن 90%

📌تـولى أبناء الطائفة العلويـة معظم المناصب القيادية في الجيش

📌نظام الأسد احتكر الجيش للطائفة العلوية، حيث وجدنا نسبة الطلاب العلويين في مدرسة المدفعية تصل إلى 90 %

📌نسبة الضباط العلويين من مجموع ضباط الجيش هي 90% أيضاً

⭕بينما دارسة خاصة بمركز الجزيرة للدراسات ، أكدت انو نسبة العلويين (((جنود وضباط - وحطلي خطين تحت كلمة جنود.))) بتشكل ((70% من قوام الجيش)) ، بينما السنة بيشكلو اغلبية قوات الاحتياط فقط. يعني الغالبية العظمى للجيش النظامي بيتمني عناصره للطائفة العلوية سواء كانوا ضباط او مجندين عساكر !!

❓بس المجندين غالبيتهم من السنة وفق كل الدراسات . صح ؟

لا ، مو بالجيش النظامي وانما ضمن قوات الاحتياط فقط . لانو سوريا بلد فيها التجنيد اجباري و الاغلبية فيه سنة. طبيعي يكون العدد الاكبر سنة. أساساً ماحدا من السنة انكر مسؤولية هدول العساكر النظاميين او الاحتياطيين او حتى الضباط القلة، ولا حتى بيتباكوا عليهم لما يتم اعتقال اي حدا منهم، على العكس تماماً السنة هنن المكون ((الوحيد)) يلي بيطلع بيحتفل بالشوارع لما بيتم القبض على المجرمين من ابنائهم وبيتسابقوا للتبليغ عنهم (ما عمل هالحركة اي مكون تاني على الإطلاق. هي الحقيقة وكلنا شاهدين عليها و ماحدا فيه ينكرها)

❓طيب. هل اكتفى النظام بعلونة الجيش واجهزة المخابرات ؟

📌لا أبداً. راح و علون غالبية وظائف الدولة ، وصلت نسبة شغل العلويين لكل الوظائف بكل القطاعات داخل القطاع العام وفق دراسة لمعهد واشنطن لسياسة الشرق الأدنى، نسبة 80% خلال عهد الأسد.

📌النسبة نفسها 80% رجعت تأكدت بشكل قطعي بدراسة تانية مستقلة و موسّعة عن العلويين ومستقبلهم لمركز Carnegie Endowment for International Peace بعنوان : Regime Change and Minority Risks: Syrian Alawites After Assad

📌وهالشي بيعني انو من الطبيعي جداً ان يتم انهاء خدمات وعقود غالبيتهم بشكل قانوني خلال الفترات القادمة او بالمستقبل ، وهاد اجراء قانوني بحت . مافيه عليه اي إشكال قانوني من حيث المبدأ ، و أكيد بعض العلويين رح يعملو عليه مظلومية لحتى يحافظوا على شي أساساً مو من حقهم لانو هي الوظائف حق لكل السوريين بكل طوائفهم (رح نفصّل عن هالنقطة لاحقاً ببوست بيعالج الجوانب القانونية)

❓طيب شو دور أسماء الاسد السنية والوزراء السنة؟

📌ماحدا اساساً من السنة براها ، أسماء مجرمة لكن بالشق الاقتصادي ، برز اسمها اقتصادياً باخر كام سنة قبل سقوط النظام لما بلشت تتدخل بالحياة الاقتصادية بعد اقصاء رامي مخلوف بس ما كان مسموح لالها تدخل بالأمور العسكرية او الأمنية.

📌ما إلها اي دور مثبت بتقارير حقوقية عن المشاركة بهيك نوعية من القرارات يلي كانت محصورة بالضباط العلويين حصراً. حتى انو العقوبات الاوروبية يلي فُرضت عليها كانت لدورها الاقتصادي والاعلامي فقط.

📌الوزراء السُنة او غير السُنة ، غالبيتهم فاسدين و جميعهم مجرد واجهات وكركوزات ((ضابط علوي بالمخابرات عندو سلطة واقعية و فعلية اكتر منهم جميعاً - رح نفصل هالنقطة ببوست منفصل كمان ))

📌يعني ما الهم اي سطوة حقيقة على صنع القرار بمافيهن وزير الدفاع بظل دولة عميقة علوية متطرفة هي صاحبة السلطة والقرار ، وللتأكيد على هاد الشي ،حتى وزير الدفاع العلوي (علي حبيب) لانو ما قبل يزج الجيش بمواجهه الشعب ورفض إجتياح حماة وقتل اهلها بعد مظاهراتها المليونية ، اقالوه ب 8 اغسطس 2011 و يُقال انهم وضعوه تحت الاقامة الجبرية حتى وفاته.

رئيس مجلس الوزاء السني (رياض حجاب) انشق والنظام ماتأثر بهيك انشقاق من هاد الحجم بالرغم من انو انشقاق هيك منصب ممكن يتسبب بتفكك او إنهيار اي نظام ، لك حتى ماكان للإنشقاق اي أهمية على بنية النظام ولا تصدع و لا تاثر فيها على الإطلاق وظهر الإنشقاق و كأنو مجرد موظف بسيط اداري غادر عمله.

📌وهاد كلو بيقود إلى انو المناصب الوزارية شبه منزوعة الصلاحيات الفعلية بمافيها منصب وزير الدفاع ، لصالح الضباط العلويين الاكثر اجراماً وتطرفاً ضمن هالمنظومة الدموية.

❓هل وصف النظام بأنه علوي فقط معناتو انو بيحتوي على علويين فقط ؟

📌لا . بيحتوي على كل الطوائف والقوميات وبمقدمتهم السنة وحيتانهم و حثالة مشايخهم , وبالادق النظام كان عامل تحالف مع حثالات جميع الطوائف ومنتفِعيهم.

📌لكن الدولة العميقة و القوة الضاربة ، الذراع يلي كانت تبطش بالمدنيين وتحديداً بالسنة ومناطقهم ، كانت علوية خالصة وفق كل الدراسات العربية والاجنبية.

📌من الضروري نأكد انو وجود مجرمين من كل المكونات مابينفي المسؤولية الرئيسية والمباشرة للعلويين كونهم كانوا الضباط الأمراء و مسيطرين على كل مفاصل الجيش والمخابرات والكل بيتأمر بأمرهم وهنن السبب الرئيسي بالإر.هاب والإر.هاب المضاد و بإستجلاب الإحتلال الأجنبي الروسي و الايراني و بتدمير المجتمع السوري وبتمزيق نسيجه الاجتماعي وبيتحملوا لوحدهم المسؤولية التاريخية كاملةً عن كل ماجرى وعن حالة التمزق الطائفي للنسيج الوطني وعن كل اثاره الحالية والمستقبلية

🔴إذاً بناء على كل ماسبق ، أجهزة المخابرات بعهد الأسد كانت علوية والجيش السوري بعهده هو جيش علوي صافي ، وبالتالي نظام الأسد هو نظام علوي إبادي.

🔴اما تصوير السنة بانهم كانوا الحاكمين او انهم متساويين بالاجرام مع القادة الأمراء العلويين او انهم جزء فاعل جداً ومحوري بالجيش ،فهاد الخطاب الشعبوي هاد هو فقط للتهرب من تحمل المسؤولية القانونية والاخلاقية و لتمييع الحقائق ، الجيش والامن علويين ، اما عن وجود سنة مجرمين ضمن المنظومة وجزء منها، فما حدا نكر هالشي و السنة عم يطالبوا بمحاسبتهم قبل الكل ، بس هاد بنهاية المطاف مابيغير طبيعية هالمنظومة العلوية الحاكمة شديدة العلونة المركزية.

❓هل تسمية الأمور بمسمياتها تعتبر طائفية ؟ هل هاد الطرح طائفي ؟

📌أكيد لا. مابيشوفوا طائفي الا الشخص الطائفي فقط. هي الحقيقة. الحقيقة كاملةً. الإنكار بيزيد الأحقاد وبيوصل لقطيعة نهائية مع ارتفاع خطاب الكراهية

📌لما اي حدا فينا كمحامين بيترافع عن موكله بجريمة طائفية وبيشرح للقاضي التفاصيل الطائفية للجريمة ، فالمحامي فينا مابيكون طائفي ، لانو منكون عم نشخّص الواقعة والحالة للقاضي ،

📌الطائفي هو المجرم يلي ارتكب الجريمة على اساس طائفي ! الطائفي هو شخص رافض يعترف أنو الجريمة تمت على أساس طائفي بحت وعم يحاول يتهرب أمام التاريخ من المسؤولية الطائفية عن طريق شيطنة الضحايا وطائفتهم و وسمهم بالتطرف والار.هاب والسبي ومحاولة خلق جدار لمظلومية غير موجودة بيحاول الإحتماء والإختباء خلفها لتغطية كل الإجرام يلي قام بارتكابه او لتغطية إجرام ماكان عندو مانع بإرتكابه !

#لا_سلم_أهلي_دون_المحاسبة #عدالة_لا_انتقام

المصادر بالكومنت الاول

والله أعلم