منذ عدة أيام كنا في زيارة لبيت خالتي في شارع الأمين فتت لقيت جوز الخالة قاعد عم يتفرج على الأخبار على قناة العربية مدري الجزيرة ......الزلمة مركب طاقة وأمورو باللوز..... سلمنا وقعدنا..... وكانت هي اول مرة بشوف قناة فضائية اخبارية منذ السقوط.... المهم طلع فيني عمو (جوز الخالة) ..... وقلي: حقك علي عمو بعرفك انت من صغرك ماتحب الاخبار ومالك فيها ولا بتهضمها!!!!! بس لازم تم حاطط على هي القناة لانو حميانة بين إيران والكيان.... (كان القصف شغال بينن) ولازم تم اب توديت update !!!!!!!! 😊
طلعت انا فيه هيك..... وقلت: معك حق عمي....خود راحتك..... انا مالي خلق متلكن.... انا وين وانتو وين......🙄 ماشاءالله تبارك الله عليك انت فهمان اللعبة كلها......(طبعا انا هون القصد مو الاستهزاء.... بس مشان ما نحكي سياسة ونتجادل.... بكفيني بعض المتابعين هون بالصفحة .... 😞) هون جلس قعدتو وحس حالو خالد العبود... وقلي : لك عم خبرك عمو.... انا من يوم يومي مهووس بمتابعة الاخبار... لك حتى من قبل ما اخذ خالتك....من وقت الراديو تبع الموجات الطويلة AM والجرايد.... يومي ماببلش الا بنشرة اخبار.... لك خبرة انا عمي والله خبرة......ورح فهمك شو يلي عم يصير!!!!!!! انا هون الت لحالي خلص...... راحت أم السهرة!!!! وبلش يحكي متل باقي الصفحات والمحللين على شي اتفاق..... على شي خطة..... على كلو مدروس.... على طابخينا سوا.....الخ....!!!!!
وانا عم اسمع وصفنان بحواجبو..... ياترى امشي معو بالمود تبع 360 وضيعو اكتر مالو ضايع!!!!! ولا حكيه 180 وفهمو الخطة كيف ماشية و حكيه عن مفهوم نتائج المباحثات السرية يلي مابتعرفها غير من نتائجها..... واعطيه كمان جرعة أسرار من تحليلات الجيل السادس والسابع!!!!!...... بس والله يمكن مخو ما يتحمل و يطالعني اجدب!!!!!😞 المهم هو عم يحكي وأنا عم اصفن شي بالحواجب وشي بالتلفزيون.... أخر شي اجت القهوة والمعمول..... (اجى الفرج 😋 ) وانا قررت تم 360 super عم اتعلم من جوز خالتي دهاليز وأسرار السياسة الحقيقية!!!! هيك هو بفرح وأنا بمشي هي السهرة على خير....... وخالتي كل مايحكي جوزا حكمة تفرح وتصلي على النبي....وتخاف عليه من العين......👀 🧿 وال 180 mini عم تتطلع فيني بطرف عينها مستغربة كيف عم اسمع الزلمة بانتباه شديد... لدرجة اني كنت رح طلع ورقة وقلم واكتب وراه مخافة تفوتني حكمة من حكموا إلاستراتيجية!!!!!!!
والله أعلم