الحمد لله الأسطوح رجع......🙂↔️ اخي قسود رجع الله هداه وترك سوسة الكش..... ورجع صار شغيل عنا بالورشة.....سلمناه خزانة صغيرة يحط فيها غراضو وذكرياتو وصور طيورو القديمة و سلمناه موتور فيسبا وسفرطاس وماعاد الو طلعة على السطح......وحماماتو شي طيرناه وشي بعناه........ عدى شوية فراخ سيكية على الدبح......
اخي علول قاعد مرعوب... خاصة بعد مافقد الامل نهائيا بأي تغير...... لا على أرض الواقع ولا بالطابو....ولا بالأحلام...... 😊 وقريبا رح يفضيلنا غرفتو ونصير نفوت ونطلع عليها براحتنا......المسكين كمان زعلان.....لأنو حتى دفتر التلفونات القديم يلي كان يخوفنا فيه ماعاد فيه ولا رقم داخل التغطية....😔
اخي دردور مازال مقفول عليه باب الغرفة..... والطاقة يلي حاول يفتحها لعند جارنا جلعود تسكرت..... اخي عثمون سكرها بالشمينتو 👈 البيضا........ 😊....بس دردور كل ليلة بقوم بجرب يحك الشمينتو بإصبعتو.... يمكن يكون لساه طري..... وجلعود من الطرف التاني عم ينادي عليه ويقلو: مرة اصبور علي شوي عم حاول دبرلك رخصة من البلدية .... ومرة بقلو ماعاد دخلني.....😔 وهيك تم محبوس داخل غرفتو..... مادينلو خط كهربا.... وربطة خبز من تحت الباب.... وقريبا رح نخلع باب الغرفة ونفوت عليه.... أو يمكن يسبقنا حدى تاني مشراني أكثر ويفوت من جهة الطاقة نفسها...🤔
مع أنو جارنا جلعود صار يبعت المختار كل يوم..... مرة بدو متر من الحوش..... مرة بدو ما نحط خزانة حد الحيط..... ومرة بدو عثمون مايفوت لعنا..... بابا عم يسمعلو وبيقله: رجع الأغراض يلي أخدتها بالأول وبعدين منحكي....
والمحافظ الكبير آخر الحارة أخيرًا شال اسم عيلتنا من الدفتر الأسود.....😍 وقال فيكن ترجعو تشتروا وتبيعوا متل العالم.....
وهيك الحمد لله البيت برجع بصير النا لحالنا متل ماكان من مية سنة أو أكثر...... ورح يكبر.... اكتر واكتر..... لانو في كتير بيوت حولينا مستقبلا رايحين بالقص......
كان معكم سنون....😊
والله أعلم